A empresa "Velatorios de Pontecaldelas" mercou un solar detrás do pavillón dos deportes de Cerdedo para construir un tanatorio nesta localidade. (A Voz de Galicia)

O Cocello de Forcarei acordou remozar a piscina municipal, disminuindo a profundidade da máis grande para que sexa adecuada ós moitos que non saben nadar. Tamén acordou pechar de momento con terra o vaso pequeno por non ter capacidade de depuración suficiente. Tanto esta piscina como a de Soutelo foron construidas nos anos setenta cun deseño moi pouco adecuado ós veciños desta zona xa que ten hasta cinco metros de fondo máximo e dous de mínimo.  (A Voz de Galicia)

A Asociación de mulleres de Cerdedo, Espadela, presentou a vindeira edición da VI Festa da Vincha que se celebrará o vindeiro fin de semana na praza da igrexa. Un cento de unidades deste postre de ovos, leite, azucre, pan e manteiga, todo dentro da vincha curada dun porco, serán vendidas a 12 ou a 10 euros dependendo do proceso de fabricación. Tamén se poderá mercar un prato de cerámica con un menú de postres da zona por solo seis euros.  (A Voz de Galicia)

Os socios do Tecor de caza de Forcarei e Río Umia acordaron a súa separación despois de moitos desacordos nos cinco anos que levan xuntos. Os cazadores de Forcarei queixanse da caza masiva que practican algúns das parroquias da Estrada que están incluidas e os destas parroquias (Uns 250) creen que non todos deben pagar polo que fagan uns poucos e, en todo caso, o referendun para tomar esta decisión debe tomarse con máis tempo posto que solo acudiron unha ducia deles á xunta onde se acordou a separación.  (A Voz de Galicia)

As axudas ó fogar serán gratuitas no Concello de Forvarei para os que non cheguen ó 75% do salario mínimo e terán un custo entre un 10% e un 20% para os que estén entre esta cantidade e o total do salario mínimo. (A Voz de Galicia)

O orzamento do Concello de Forcarei será de uns tres millóns de euros. Este ano aínda non están aprobadas as contas polo retraso na definición dalgunhas partidas.  (A Voz de Galicia)

As axudas serán gratis no concello de Forcarei para aquelas familias que non pasen do 75% do salario mínimo. Para rentas lixeiramente superiores a este valor, a familia terá que aportar un 10%, un 20%, etc. a razón dos seus ingresos.  (A Voz de Galicia)

Na que foi Escola Pública de Levoso (Quintillán), levantada no ano 1938 cos cartos dos emigrantes na Arxentina, estase a por en marcha un Centro de investigación e divulgación da agricultura ecolóxica, un dos cinco que a fundación Galicia verde quere abrir en Galicia. O Proxecto necesita 383.000 euros en financiación, para levantar invernadeiros e outras instalacións, que o concello e a fundación andan a recoller nestes intres.  (A Voz de Galicia)