San Salvador Xirazga é a
parroquia máis descoñecida do concello, quizais por non atoparse en ningunha
das estradas principais que comunican a comarca. Ten, nembargantes, moitas
cousas interesantes que merecen unha visita, e as súas aldeas son das máis
"típicas" da tipoloxía da zona.
A parroquia está formada
polas aldeas de Abeleira, Framia, Correa, Alén, Doade, A Cabada, Doade Grande,
Adrián, Ratel e Ricovanca.
Atopamos grabados
rupestres e unha mámoa as veiras da actual ermida de Sto. Domingo, así como unha
calzada romana e unha ponte medieval en Ricovanca.
Aparte da igrexa
parroquial (Seculo XVII, aínda que a torre foi reconstruída no século XIX ) que aparece na derradeira das imaxes, hai unha ermida dedicada a Sto.
Domingo, na carballeira do mesmo nome, onde o día catro de agosto celebrase
unha das romarías con máis sona da bisbarra. Destaca
tamén un fermoso cruceiro esculpido por Cerviño sito na praza da igrexa.
Tamén queda aínda a
feira de Doade, o día nove de cada mes, unha das máis importantes da zona, que
se celebra nunha fermosa carballeira ó lado da capela do Carme, tal e como
aparece na imáxe superior sacada do libro "Beariz de Montes" de X. A.
Gulías Lamas.
