O nome de Dúas Igrexas
parece ser que se debe a existencia de dous templos dedicados respectivamente a
San Vicente e a Sta María. O primeiro deles estivo aberto ó culto hasta o século
pasado, pero foi derrubado por falta de rendas e só se conserva a pía
bautismal románica e un anaco do antigo cruceiro. Ambos aparecen nas imaxes
adxuntas.
O actual Templo
parroquial é o de Sta María, aínda que reformado no século XVIII, ten o seu
orixe na época románica.
Dentro do territorio
desta parroquia apareceron restos importantes da cultura dolménica (Monte
Penide) e Castrexa (Castro da igrexa e Castro Loureiro, bastante ben
conservado). Nembargates, o monumento máis importante é a Igrexa parroquial,
que garda no seu interior imaxes de moito mérito.
Dúas Igrexas é berce de
importantes canteiros e artesáns, Non hai máis que ver as mostras de pedra que
aparecen nas imaxes, pero noutro tempo tiveron especial importancia os
cereiros, e aquí estivo o taller de cera máis importante da Terra de Montes, o
de Xosé Barreiro, que chegou a empregar máis de dez traballadores.
