Parroquia formada polos
lugares de Bugarín, Docabo, Domedio e Filgueira,
conservanse nela importantes restos de asentamentos castrexos que lle dan nome e tamén
un forte da época medieval no chamado Coto de Castrodiz.
A igrexa parroquial de
Sta. Baía do Castro está no lugar de Domedio, construída seguramente no século
XVIII, pero queimada no ano 1809 polos soldados de Napoleón, que saquearon o
lugar matando a enfermos, vellos e todo aquel que non puido fuxir.
No lugar de Filgueira
existe unha fermosa eira con hórreos que, xunto coa capela da Virxe dos
Remedios, forman un conxunto de especial
interese. En Bugarín está a capela da Virxe da Saleta, que aparece na
imaxe.
O Segundo fin de semán
do mes de febreiro celébranse aquí as festas de San Roque e "O Can"
que son das máis coñecidas da bisbarra.
Nesta parroquia naceron
dous importantes persoeiros da bisbarra: o arquitecto Pedro de Monteagudo e o
Poeta e científico Xosé Otero Espasandín
